بالك تجافي من خطا ..

هذه القصيدة .. من الشطر الطويل
بحرها : الرجز " النبطي "
تفعيلتها : تكرار سداسي " مستفعلن " للشطر الواحد

بالك  تجافي  من  خطا  ..  قلبه عليك وهو يبيك أرجوك حاول تعذره بينك   وبينه  ذكرياتٍ  ،  غالياتٍ  قبل  ما  هذا  الزمن  آصبح  يدور الله    يا    زين    الليالي    يوم    نقضيها    ورودٍ    بالحياة    معطّره العطر  هو  :  آحلا معزّه والوفاء والصّدق والإخلاص في كل الشّعور لو  هو  تغيّب  ثم  رجع  ..  من  فرحتك تحتار وما تلقى كلام تعبّره ! إن قلت له : مشتاق لك ، أو فاقدك ، أو غابت الأنوار يابدر البدور ! بتشوف   وجهه   مبتسم  ويطالعك  لآن  الحروف  موسعاتٍ  خاطره شخصٍ  عزيز وله مكانه بالحشا ولو هو بكى ضاقت وسيعات الصدور ولو  هو  براه  الهمّ  ..  وأبواب الحياة مقفلات ، و كلّ أبوها مسكّره احذر  يمر الوقت ولا توقف معه ولآمن وقفت .. احذر يجي منّك فتور بتمر   لحظات   وتعيش   بحزنها   ما   مرّ   من   كل  المواقف  تذكره لو  هي  فرح  أو  ضحكةٍ  أو  شوق  أو أيام عشتوها بحزن ولاّ سرور بيجيك   ذاك  اليوم  ثمّ  تفارقه  وغصبٍ  على  رجلك  تروح  المقبره وبايدينك   اللي   صافحته  بتدفنه  ،  وتدعي  برحمة  ربّنا  الله  الغفور وعيونك  بدمعاتها  سالت  ، وزادت يوم شافت صاحبك وش منظره ! وأقفيت  عنه  وسارت  الأيام وأنت تزور صاحب دربك سنين وشهور شفت  الحياة  تفرّق  اللي  مجتمع  .. مع من يبي .. وتبعثره وتكدّره ؟ قبل  النّدم  ..  آرجوك  رحّ  يمّه  و لو هو غايبٍ دوّره وعجّل بالعثور بالك   تجافي   خاطره  دامك  تبيه  وهو  يبيك  أرجوك  حاول  تعذره وإن  كان  قاطعته  ومازرته  أبد  فاعرف  تراه  بيسكن  بوسط القبور

في 24 / 8 / 1428هـ
القصيم ..