ويوم العرس ، كل الناس فرحَانه ..

اتصلت ..
وقالت : أن القصة كذا وكذا وكذا ..
حَزنت ، بعد ما طلبت أن أنثر قصيدة لها على لسانها ..
استخدمت المعاني اليسيرة في الأبيات ..
نظراً لأن المرأة كبيرة بالسن ، وحتى تسير على ما تسير عليه ..

وكانت :

أمانه   كيف   ترضى   إنّك   تخلّيني وتتركني    وهموم   القلب   تشقيني وما  تدري  بأنّ  الفكر  بك يسلى؟ وما   تدري  دموعي  فوق  خدّيني؟ نسيت  الماضي يوم إنّك صغير السّن وآنت أحلى الأماني في وسط عيني !! إلا    أقبل    ظلام    اللّيل   ناديتك وضمّيتك   وسط   صدري   بيدّيني نسيت   إنّك   تنام  بوسط  مرقادي ويوم  تقول  :  يمّه  حيل  ضمّيني !! إلا   شفتك  حزين  وضايقٍ  صدرك يضيق   البال   ويحزن  كل  ما  فيني وإلا  شفت آبتساماتك على وجهك أقول    :    الله    يسعدك   ويهنّيني كبرت   وصرت  رجلٍ  آتمسّك  به ومن    ما   يجرح   الخاطر   تداويني وفي   ليله  حكيت  وقلت  يا  يمّه  : أبي      بنتٍ      أسلّيها     وتسلّيني وقلت  آبشر  وآبدوّر  لك أحلاهم و  ياخوفي  بعد  عرسك  تجافيني  !! وقلت    :   إنّي   أبد   ماني   بمتغيّر آببقى    مثل    ما    كنتي    تعرفيني وجتك  البنت  مثل  ما  أنت  تتمنّى وكنت   آخشى  حقوقي  ما  توفّيني ويوم   العرس   كلّ   الناس  فرحانه وأنا     أفراحي    دمعاتٍ    تخاويني وسافرت    آتّونّس    أنت    وإيّاها وأنا    وقتي    قضى   مابيني   وبيني وبَعَدْ  ما  آنتهى  شهر العسل ألفيت وقلت   :  أهلاً  هلا  باللّي  يراعيني ضحكت  وقلت  يا  يمّه خذي هذي ورودٍ    لك   قطفته   من   بساتيني بداياتها    وفيت    بوعدك    الأول آببقى    مثل    ما    كنتي    تعرفيني بَعَدْ  مدّه  جلست  وقلت  يا  يمّه  : آبي    آطلع    وما    ودّي   تردّيني وقلت  :  إني  أنا  وافقت  يا وليدي ولكن     آنتبه     تنسى     عناويني وآقفى   زولك   وحزني   بدا  يلفي وأحزاني    بدت    تكوي   شراييني وآنا   بين   أربعة   جدران  آسامرها سواتٍ     منك     سوّيته     تبكّيني تعبت   بتربيتك   وإنت   ما   تدري ويوم  إنّك  كبرت  الحين  تعصيني!! تعبت     أدوّر     لخاطرك    آجملهم جزآي  إنّك  تصير  اليوم  ناسيني !! ومنّك   مابقى  إلا  الورد  يوم  إنّك تجيبه   لي  بعد  عرسك  وتهديني  !! عسى      ربّي     يهنّيك     ويهنّيها وتراني    راضيه    مابيك    ترضيني (  قبل  تنسى ترى الجنّات يا وليدي قبل   تنسى   تراها  تحت  رجليني  )

بريدة 21 / 4 / 1428 هـ


فلما انتهيت منها ..
اتصلت عليها بعد أن قمت بتسجيلها بلحن حزين ..
ولما سمعتها بكت ، وبكت ، حتى أغلقت الهاتف فجأة ..!
وصلت تلك القصيدة إلى ابنها ..

والآن : اسأل الله أن يطيل في عمرها وأن يرزقه برّها ..


محبكم :
د / ماسنجر